Birkir Már: Alltaf gaman að vinna KR, hvað þá 5-0

„Þetta var bara mjög flott frammistaða í alla staði og við bara gengum bara frá þeim almennilega. Það var gaman að ná að leggja upp þrjú mörk og ég er virkilega sáttur við mína spilamennsku sem og alls liðsins auðvitað,“ sagði Birkir Már sigurreifur. 

„Það er alltaf gaman að vinna KR, hvað þá 5-0. Ég var bara ánægður með allt í okkar leik. Vinnuframlag, gæði á boltanum, skora fimm mörk og halda hreina. Þetta var í raun bara hinn fullkomni leikur. 

Við erum loksins að klikka saman og það er kominn góður taktur í liðið," sagði þessi reynslumikli leikmaður en Valur hefur nú haft betur í fjórum deildarleikum í röð og skorað 17 mörk í þeim leikjum.