Kvöld­fréttir Stöðvar 2

Við höldum áfram umfjöllun okkar um ábyrgðarmannakerfið í kvöldfréttum Stöðvar 2.

Þá sýnum við magnaðar myndir af sinubruna í Straumsvík og ræðum við varðstjóra hjá slökkviliðinu í beinni útsendingu.

Efnahagsmálin verða einnig ofarlega á baugi. Fjármálaráðherra segir koma til greina að ríkisstjórnin grípi til aðgerða vegna aukinnar vaxtabyrði heimilanna.

Og við rýnum í tölurnar: Tæplega fjörutíu þúsund íslensk heimili eru með óverðtryggt húsnæðislán á breytilegum vöxtum. Á þessu ári munu um 4.500 óverðtryggð lán til viðbótar losna undan skjóli fastra vaxta. Neytendur segjast farnir að finna vel fyrir stýrivaxtahækkunum ofan í verðbólgu.

Þá hittum við bandarískan hakkara sem spreytir sig á samfélagsmiðlum fréttamanns og verðum í beinni frá Kringlunni, þar sem við prófum svokallaða Kringlukló fyrir fullorðna.