Kvöld­fréttir Stöðvar 2

Þá verðum við líka í beinni frá Alþingi en þar var tekist á um rafbyssuvæðingu lögreglunnar í dag. Forsætisráðherra telur betra að málið hefði verið rætt í ríkisstjórn.

Við fjöllum um nýja skýrslu Sameinuðu þjóðanna um loftlagsvandann en framkvæmdastjóri Sameinuðu þjóðanna segir vandann tifandi tímasprengju.

Við segjum frá því að skortur á gæðastundum og umhyggju frá foreldrum spili stórt hlutverk í einmanaleika ungmenna að mati sérfræðings.

Svo fylgjumst við með mótmælum stúdenta vegna fyrirhugaðrar gjaldtöku á bílastæðum við Háskóla Íslands og hittum hann Seif sem er sérþjálfaður hundur, sem lætur vita áður en eigandi hans fær flogakast svo hann geti komið sér í skjól.