Stórt tap hjá liði Elvars

Heimamenn í Bonn byrjuðu betur og náðu ellefu stiga mun eftir fyrsta leikhluta. Rytas kom þó til baka fyrir hálfleik en þá munaði aðeins fjórum stigum á liðunum, staðan þá 41-37.

Í þriðja leikhluta fór hins vegar allt í baklás hjá gestunum í Rytas. Bonn vann leikhlutann 33-13 og úrslitin ráðin. Fjórði leikhlutinn snerist aðeins um hversu stór sigurinn yrði. Lokatölur í kvöld 99-72, slæmt tap hjá Rytas sem þar með missti af tækifærinu að jafna Bonn að stigum í riðli liðanna.

Elvar lék í rúmar tuttugu mínútur í kvöld. Hann skoraði tólf stig, tók eitt frákast og gaf tvær stoðsendingar.