Sport

Dagskráin í dag: Bland í poka á laugardegi

Hjörtur Leó Guðjónsson skrifar
Framarar taka á móti KA/Þór í Olís-deild kvenna í handbolta í dag.
Framarar taka á móti KA/Þór í Olís-deild kvenna í handbolta í dag. Vísir/Hulda Margrét

Sportrásir Stöðvar 2 bjóða upp á þrettán beinar útsendingar úr hinum ýmsu íþróttum í dag þar sem allir ættu að geta fundið eitthvað við sitt hæfi.

Stöð 2 Sport

Olís-deild kvenna í handbolta á sviðið á Stöð 2 Sport í dag og verða tveir leikir í beinni útsendingu. Fram tekur á móti KA/Þór klukkan 13:50 og Stjarnan sækir Hauka heim klukkan 17:50.

Stöð 2 Sport 2

Ítalski boltinn og ameríski fótboltinn deila sviðsljósinu á Stöð 2 Sport 2 og við hefjum leik í Verona þar sem heimamenn taka á móti Lecce í ítölsku úrvalsdeildinni klukkan 13:50 áður en Salernitana og Napoli eigast við klukkan 16:50.

Það er svo viðureign Kansas City Chiefs og Jacksonville Jaguars sem hefur leik í amerísku NFL-deildinni klukkan 21:30 áður en Philedelphia Eagles tekur á móti New York Giants klukkan 01:15 eftir miðnætti.

Stöð 2 Sport 3

Fiorentina tekur á móti Toreino klukkan 19:35 í ítölsku úrvalsdeildinni í fótbolta og klukkan 22:00 eigast Toronto Raptors og Boston Celtics við í NBA-deildinni í körfubolta.

Stöð 2 Sport 4

Tournament of Champions á LPGA-mótaröðinni í golfi heldur áfram frá klukkan 17:00 á Stöð 2 Sport 4.

Stöð 2 eSport

Þriðji dagur Blast Premier-mótaraðarinnar í CS:GO fer fram í dag og upphitun hefst klukkan 10:30.

Þá er seinni Ofurlaugardagur tímabilsins í Ljósleiðaradeildinni einnig á dagskrá í dag og hefst útsending klukkan 16:45 á Stöð 2 eSport og hér á Vísi þar sem heil umferð verður leikin.

Dagskráin í dag

Mest lesið


Fleiri fréttir

Sjá meira


×

Mest lesið