Þjálfarinn hvorki séð né heyrt frá Ramsey eftir HM

Ramsey samdi við Nice í sumar eftir að samningi hans við Juventus á Ítalíu var sagt upp. Hann var hluti af velska landsliðinu sem var á HM í fyrsta sinn frá árinu 1958 en olli vonbrigðum í riðlakeppninni og féll úr leik.

Flestallir leikmenn sem kepptu á mótinu hafa snúið aftur til félagsliða sinna. Ivan Perisic spilaði til að mynda með Tottenham á dögunum, þrátt fyrir að Króatar hafi farið töluvert lengra á mótinu en Wales. Sama má segja af Kylian Mbappé sem verður í leikmannahópi PSG í leik liðsins í dag, þrátt fyrir að hafa spilað alla leiki Frakka á HM er þeir fóru í úrslit.

Ramsey afar vonsvikinn

Favre sat fyrir svörum á blaðamannafundi í gær í aðdraganda leiks liðsins við Lens í frönsku deildinni á morgun. Hann kveðst ekki hafa heyrt frá Ramsey.

„Nei, hann er ekki kominn aftur. Ég held að honum hafi reynst illa að melta heimsmeistaramótið. Við sjáum til,“

„Nei [ég hef ekki talað við hann]. Ég gæti gert það, en svona er þetta. Líkt og ég sagði, hann var afar vonsvikinn með HM. Hann mun taka sinn tíma til að ná sér,“

Ramsey hefur verið inn og út úr liði Nice frá því að hann samdi við félagið. Hann hefur byrjað fimm deildarleiki af fimmtán á leiktíðinni, en þar á meðal síðustu tvo fyrir HM.

Honum gekk illa að finna sig í Katar og olli töluverðum vonbrigðum sem lykilmaður í liði Wales.