Barns­hafandi kona stungin til bana í Dan­mörku

Konan er sögð hafa verið á leið heim úr vinnu og setið í bíl sínum þegar óþekktur maður réðst á hana. Stakk maðurinn konuna margsinnis og dró hana út úr bílnum.

Fram kemur í frétt DR að sjónarvottur hafi reynt að stöðva árásina en ekki tekist. „Það er kona sem á leið hjá sem reynir að grípa inn í og grípur í árásarmanninn, en gat ekki komið í veg fyrir drápið,“ segir talsmaður lögreglu við fréttaveituna Ritzau.

Árásarmaðurinn gengur enn laus og er lögregla enn með mikinn viðbúnað á Samsøvej þar sem árásin átti sér stað. 

Lögregla segist ekki vita að svo stöddu hver árásarmaðurinn sé og er hans enn leitað. Ekki er heldur hægt að upplýsa um hver kann að hafa verið ástæða árásarinnar.