Indónesar staðfesta að hafa boðið bæði Pútín og Xi á fund G20

Forsetinn, Joko Widodo, hefur sætt nokkrum þrýstingi um að bjóða ekki Pútín á fundinn.

Hvorki Pútín né Xi hefur gefið það endanlega út hvort hann hyggst mæta en heimildarmenn herma að báðir hyggist sækja ráðstefnuna.

Fróðir menn gera ráð fyrir að áður en kemur að G20 ráðstefnunni þá muni Xi hafa tryggt sér fordæmalaust þriðja kjörtímabil. Ef fer sem horfir verður þetta fyrsta ferð Xi utan landsteinana í nær tvö ár.

Joe Biden Bandaríkjaforseti mun einnig sækja fundinn í nóvember og þá er verið að skipuleggja fund hans og Xi í suðaustur Asíu í sama mánuði.