Rússí­baninn verði rifinn eftir bana­slysið í Ár­ósum

Í fyrradag brotnaði aftasti vagninn af vagnaröðinni í Kóbra-rússíbana með þeim afleiðingum að hann fór af teinunum. Fjórtán ára stúlka lést í kjölfarið og þrettán strákur slasaðist alvarlega. 

Hans N. Hansen, sem situr í stjórn tívolísins og er einn af eigendum tívolíkeðjunnar, greindi frá því við DR að tækinu verði lokað og það rifið niður eftir slysið.

Slysið í fyrradag er ekki það fyrsta í sögu rússíbanans. Árið 2008, þegar rússíbaninn var nýlega búinn að opna, varð sambærilegt slys þegar vagn brotnaði í tækinu og fjórir slösuðust.

Henrik Ragborg Olesen, forstjóri tívolísins, segir að þrátt fyrir að Kóbrunni hafa verið lokað virki öll önnur tæki sem skyldi og samræmist öllum reglum. Þrátt fyrir það segir hann að tívolíið hafi kallað til eftirlitsmenn til að skoða öll tæki tívolísins. Það sé gert bæði sem öryggisráðstöfun og til að láta starfsfólkinu líða öruggar.