Útgerðarfélag Akureyringa selur línuskipið Önnu EA 305

Skipið Anna EA 305 var smíðað í Noregi 2001 og endurnýjað 2008. Lengd skipsins er 52 metrar og breiddin 11 metrar.

Kristján Vilhelmsson útgerðarstjóri Samherja segir að nokkrar útgerðir hafi sýnt áhuga á að kaupa skipið eftir að það var sett á söluská. Þá sagði hann skipið ekki hafa stundað veiðar í nokkurn tíma og helsta ástæða sölunnar hafi veirð að útgerðin borgaði sig ekki.

„Anna er mjög gott línuveiðiskip, sérstaðan er meðal annars sú að línan er dregin í gegnum brunn sem er á miðju skipsins. Helsta ástæða sölunnar er að útgerðin borgaði sig ekki fjárhagslega og þess vegna þótti okkur rökrétt að selja. Anna hefur ekki stundað veiðar í nokkurn tíma og skipverjar eru komnir yfir á önnur skip Útgerðarfélags Akureyringa eða Samherja,“ segir Kristján Vilhelmsson.