Sjáðu vítaklúður Andra og rifrildi hans við Mpongo

ÍBV og ÍA gerðu markalaust jafntefli á Hásteinsvelli í Vestmannaeyjum gær. Á 93. mínútu fá Eyjamenn dæmda vítaspyrnu eftir að Aron Bjarki Jósepsson, leikmaður ÍA, togar Andra Rúnar niður inn í vítateig gestanna.

Erlendur Eiríksson, dómari leiksins dæmir vítaspyrnu og Andri gerir sig líklegan að taka vítaspyrnuna áður en Mpongo kemur og tekur boltann af Andra.

Leikmennirnir virðast þá rífast í drykklanga stund um það hver fær að taka spyrnuna áður en aðrir leikmenn ÍBV mæta á svæðið og láta Andra fá boltann. 

Þessi orðaskipti voru þó ekki nóg því leikmennirnir rifust áfram eftir að Erlendur var búinn að flauta leikinn af og þá þurfti að stíga þá í sundur.

Hvort að þetta uppátæki hafi truflað Andra eitthvað er erfitt að gera grein fyrir. Andri steig allavegana á punktinn og klikkaði á vítaspyrnunni sem hefði fært ÍBV stiginn þrjú þar sem leikurinn var flautaður af stuttu síðar. 

ÍBV er eftir leikinn í næst neðsta sæti deildarinnar með þrjú stig á meðan ÍA er í því áttunda með sex stig.