Innlent

Fyrrverandi skrifstofustjóri læknaráðs Landspítala ákærður fyrir fjárdrátt

Hallgerður Kolbrún E. Jónsdóttir skrifar
Fyrrverandi skrifstofustjóri læknaráðs Landspítala hefur verið ákærður fyrir fjárdrátt.
Fyrrverandi skrifstofustjóri læknaráðs Landspítala hefur verið ákærður fyrir fjárdrátt. Vísir/Vilhelm

Örn Þ. Þorvarðarson fyrrverandi skrifstofustjóri læknaráðs Landspítalans hefur verið ákærður fyrir fjárdrátt. Hann er sakaður um að hafa dregið sér rúma 4,1 milljón króna úr starfs- og gjafasjóði læknráðs frá 2012 til 2016. 

DV greinir frá þessu en fram kemur í fréttinni að í ákærunni, sem DV hefur undir höndum, séu listaðar 34 millifærslur sem Örn er ákærður fyrir. Læsta upphæðin nemi 55 þúsund krónum og sú hæsta tæpum 600 þúsundum króna. 

Þess er krafist af héraðssaksóknara að Örn verði dædur til refsingar og greiðslu alls sakarkostnaðar. Þá gerir Landspítalinn einkaréttakröfu og krefst 2,5 milljóna króna í skaðabætur. 

Fram kemur í frétt DV að málið verði þingfest fyrir Héraðsdómi Reykjavíkur 20. apríl næstkomandi. 

Dómsmál Landspítalinn Efnahagsbrot

Mest lesið


Fleiri fréttir

Sjá meira


×

Mest lesið