H:N Markaðs­sam­skipti leita til upp­runans og skipta um nafn

Þetta kemur fram í tilkynningu frá auglýsingastofunni sem stofnuð var fyrir 32 árum.

Haft er eftir Kötlu Hrund Karlsdóttur aðstoðarframkvæmdastjóra að í tilefni af afmælinu hafi verið ákveðið að að fara í endurmörkun á stofunni sjálfri og dusta rykið af upphaflega nafninu.

„Hér & nú var stofnuð þann 1. apríl árið 1990 og var rekin undir því nafni allt til ársins 2003 þegar nafnið H:N Markaðssamskipti var tekið upp. Stofan hefur frá stofnun verið rekin á sömu kennitölunni en ástæðan fyrir nafnabreytingunni var fyrst og fremst ruglingur sem varð þegar glans- og slúðurtímarit með sama nafni hóf göngu sína. Það er nú orðið töluvert síðan að útgáfu tímaritsins lauk og ætlum við að endurheimta nafnið okkar á ný,“ segir Katla Hrund.

Á þriðja tug starfsmanna starfa hjá stofunni bæði í höfuðstöðvunum í Bankastrætinu og útibúi í Brighton á Englandi.