Íslenski boltinn

Vestri reyndi við kanónur íslenskrar knattspyrnu

Sindri Sverrisson skrifar
Eiður Smári Guðjohnsen er án starfs eftir að hann hætti sem aðstoðarlandsliðsþjálfari 1. desember síðastliðinn.
Eiður Smári Guðjohnsen er án starfs eftir að hann hætti sem aðstoðarlandsliðsþjálfari 1. desember síðastliðinn. vísir/vilhelm

Þjálfarinn sem kom Íslandi á HM í fyrsta sinn og fyrrverandi Evrópumeistari með Barcelona eru á meðal þeirra sem forráðamenn Vestra hafa boðið að taka við þjálfun liðsins eftir að Jón Þór Hauksson fór óvænt til ÍA.

Vestramenn halda leit sinni að arftaka Jóns Þórs áfram og þurfa að hafa hraðar hendur þar sem það styttist í að liðið hefji keppni í Lengjubikarnum síðar í þessum mánuði. Keppnistímabilið í næstefstu deild hefst svo hjá Vestra 7. maí.

Vestramenn hafa rætt við Heimi Hallgrímsson, Eið Smára Guðjohnsen og Ólaf Kristjánsson í leit sinni að nýjum þjálfara. 

Í samtali við 433.is staðfesti Samúel Samúelsson úr stjórn knattspyrnudeildar Vestra að þeir hefðu allir hafnað starfinu. Samúel viðurkenndi að um langskot hefði verið að ræða en að félagið hefði einfaldlega mikinn metnað fyrir því að finna færan þjálfara.

Lengjudeild karla Vestri

Tengdar fréttir

Mest lesið


Fleiri fréttir

Sjá meira


×

Mest lesið