Hlýddi mömmu og skellti sér með bjór á kjörstað

„Þetta verður random. Ég ætla að loka augunum og negla niður einhverju,“ sagði Zakarías í dag. Ekki sterkar skoðanir á hver fengi hans atkvæði í Kraganum.

„Ég hef ekki grænan. Ég er að flýta mér því mamma segir alltaf að ég eigi að nýta mér kosningaréttinn,“ sagði Zakarías heiðarlegur. Mamma veit best.

Hann var á hraðferð, með bjór í hönd, enda mikilvægur fótboltaleikur í gangi. Inn og út verkefni, hann ætlaði ekki að staldra lengi við í kjörklefanum.

„Tíu sekúndur ef ekki minna,“ sagði Zakarías og fékk sér sopa af bjórnum. Aðspurður sagðist hann ætla að taka bjórinn með í kjörklefann.

Elísabet Inga Sigurðardóttir tók kjósendur tali í Smáranum í dag.