Mótmælandi hrópaði á foreldra og börn sem biðu eftir bólusetningu

 Myndbönd hafa verið birt af uppátæki mannsins sem mældist illa fyrir hjá viðstöddum.

Sagði hann að verið væri að sprauta efnavopnum í börnin og vísindamenn vissu af því. Foreldrar nokkurra barna báðu manninn vinsamlegast um að láta af þessu athæfi og hætta að hræða börnin. Einn gekk svo langt að segja manninum nokkuð ákveðið að koma sér í burtu og ýtti honum í burtu.

Ríkisútvarpið hefur eftir varðstjóra hjá lögreglunni að mótmælandinn hafi verið í fimm mann hópi en hann hafi verið sá eini sem lét að sér kveða. Lögreglan hafi rætt við hann og vísað honum á brott.

Átt þú myndband af þessu atviki? Sendu okkur á ritstjorn@visir.is