Sjáðu ótrúlega klaufalegt sjálfsmark Spánar

Spánn var með tögl og hagldir á leiknum í upphafi. Króatar ógnuðu lítið og því má segja að fyrsta mark leiksins hafi komið eins og þruma úr heiðskíru lofti. Tæpar tuttugu mínútur voru liðnar af leiknum þegar Pedri ákvað að senda alla leið til baka á markvörð sinn.

Því hann betur sleppt en Unai Simon, markvörður Spánar, gerði töluvert af mistökum á nýafstaðinni leiktíð.

Sjón er sögu ríkari en markið má sjá í spilaranum hér að neðan. Spánverjar voru smá tíma að finna taktinn á nýjan leik en Pablo Sarabia jafnaði metin á 38. mínútu og staðan því 1-1 er flautað var til loka fyrri hálfleiks. Þannig er því staðan enn þegar þetta er skrifað en síðari hálfleikurinn er enn eftir.

EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 er einnig hægt að kaupa stakt á lækkuðu verði frá og með 24. júní á kr. 3.990.