Erlent

Castillo lýsir yfir sigri í Perú

Árni Sæberg skrifar
Pedro Castillo telur sig næsta forseta Perú.
Pedro Castillo telur sig næsta forseta Perú. Stringer/EPA

Pedro Castillo hefur lýst yfir sigri í forsetakosningum í Perú. Andstæðingur Castillo, Keiko Fujimori, hefur sakað hann um kosningasvindl.

Forsetakosningar fóru fram í Perú sjötta júní síðastliðinn en fyrst núna hafa öll atkvæði verið talin.

Pedro Castilla, frambjóðandi Frjáls Perú, stóð uppi sem sigurvegari kosninganna með 50,12 prósent atkvæða. Keiko Fujimori, frambjóðandi Fuerza Popular, hlaut 49,87 prósent atkvæða.

Kosningarnar voru gríðarlega mikilvægar en Vísir fjallaði um þær þegar þær fóru fram.

Kjörstjórn í Perú hefur ekki tilkynnt úrslit kosninganna enda hefur Fujimori kært niðurstöðu þeirra. 

Hún heldur því fram að þúsundir talinna kjörseðla séu ógildir. Þá sagði hún stuðningsmönnum sínum í Lima að hún myndi ekki gefast upp og halda áfram baráttu fyrir lýðræði Perú. Stuðningsmenn Fujimori hafa farið fram á endurtekt kosninganna.

Flokkur Castillo, Frjálst Perú, frábiður sér allar ásakanir um kosningasvindl og segir ásakanir Fujimori vera í þeim tilgangi að hvetja til ofbeldis.

Perú

Tengdar fréttir

Mjótt á munum í Perú

Talning atkvæða stendur nú yfir í Perú en forsetakosningar fóru fram í landinu í gær. Keiko Fujimori hefur naumt forskot á andstæðing sinn, Pedro Castillo, þegar 90 prósent atkvæða hafa verið talin.

Mest lesið


Fleiri fréttir

Sjá meira


×

Mest lesið