Valur fær miðjumann frá liði Ólafs

Køhler kemur til Vals frá Esbjerg sem Ólafur Kristjánsson stýrir. Hann lék fjóra leiki með liðinu í dönsku B-deildinni á þessu tímabili.

Køhler, sem verður 25 ára 10. apríl, er uppalinn hjá Nordsjælland en hefur einnig leikið með Helsingør í heimalandinu og Trelleborg í Svíþjóð.

Auk Køhlers hefur Valur fengið þá Almarr Ormarsson, Arnór Smárason, Tryggva Hrafn Haraldsson og Johannes Vall til sín í vetur.

Valur vann Pepsi Max-deildina með talsverðum yfirburðum í fyrra og varð Íslandsmeistari í 23. sinn í sögu félagsins.

Valur á að mæta ÍA í upphafsleik Pepsi Max-deildarinnar á Origo-vellinum fimmtudaginn 22. apríl.