Hangi­kjöt á boð­stólum 65 prósent lands­manna

Könnunin var framkvæmd dagana 10. til 16. desember og var heildarfjöldi svarenda 947 einstaklingar yfir 18 ára aldri.

Frá því að mælingar hófust hefur þeim sem velja hangikjöt fækkað um átta prósentustig. Sífellt fleiri velja grænmetisfæði á jóladag og samkvæmt nýjustu könnun eru það fimm prósent allra landsmanna í ár, en þrettán prósent fólks undir þrítugu.

Konur voru líklegri til þess að velja grænmetisfæði í dag, eða um sjö prósent samanborið við tvö prósent karla.

Hangikjötið er vinsælast meðal stuðningsmanna Framsóknarflokksins og Miðflokksins, þar sem um það bil áttatíu velja hangikjöt. Það er ekki í jafn miklu uppáhaldi hjá stuðningsmönnum Samfylkingar og Pírata þar sem rúmlega helmingur fær sér hangikjötið í dag.