Ströngustu takmarkanirnar til þessa

Ströngustu kórónuveirutakmarkanirnar til þessa tóku gildi í Osló klukkan ellefu eftir að 102 ný tilfelli greindust í gær. 

Borgarbúum er nú skylt að bera grímur þar sem ekki er hægt að tryggja metra fjarlægð, fólki er gert að vinna heima ef hægt er og ekki má hitta fleiri en tíu sem búa ekki á sama heimili í hverri viku. Þá hafa fjöldatakmarkanir á innanhússviðburðum verið hertar, úr fimmtíu í tuttugu.

 Þriðjungur allra greindra tilfella í Noregi eru í Osló. Alls hafa 19.069 smitast í landinu frá upphafi faraldursins og 280 látist.