Bein út­sending: Hver hlýtur bók­mennta­verð­laun Nóbels?

Sænska akademían tilkynnir í dag hver hlýtur bókmenntaverðlaun Nóbels. Tilkynnt verður um verðlaunahafa á fréttamannafundi sem hefst klukkan 11 að íslenskum tíma.

Á síðasta ári voru veitt tvenn verðlaun í flokknum, fyrir árin 2018 og 2019, þar sem engin verðlaun voru afhent árið 2018 vegna hneykslismálsins sem skók sænsku akademíuna þegar í ljós kom að eiginmaður eins nefndarmeðlims hafði gerst sekur um kynferðisbrot og leiddi það til þess að meirihluti meðlima í akademíunni sagði af sér. 

Féllu verðlaunin í skaut hinnar pólsku Olga Tokarczuk og hins austurríska Peter Handke.

Hægt er að fylgjast með útsendingunni í spilaranum að neðan.

Í vikunni hefur þegar verið tilkynnt um hverjir hljóta Nóbelsverðlaun í lífeðlis- og læknisfræði, eðlisfræði og efnafræði. Tilkynnt verður um nýjan handhafa friðarverðlauna Nóbels á morgun.