Vann 7,8 milljónir í Lottó í kvöld

Stálheppinn miðahafi hlaut 7,8 milljónir króna í sinn hlut í Lottóútdrætti kvöldsins. Sá heppni var með fimm réttar tölur út á miða sem hann keypti í áskrift, að því er fram kemur í tilkynningu frá Íslenskri getspá.

Þrír skiptu svo á milli sín bónusvinningnum og hlýtur hver þeirra rúmar 114 þúsund krónur fyrir. Einn miðinn var keyptur í verslun Kvikk á Reykjarvíkurvegi í Hafnarfirði en hinir í áskrift.

Þá voru þrír með fjórar réttar Jókertölur í réttri röð og hlýtur hver þeirra 100 þúsund krónur í vinning.