Manuela og Jón unnu danseinvígið með þessum dansi

Eyjólfur Kristjánsson og Telma Rut Sigurðardóttir voru send heim eftir danseinvígi í Allir geta dansað nú í kvöld. Eyfi og Telma og Manuela og Jón Eyþór voru í tveimur neðstu sætunum eftir að símakosningu lauk.

Manúela og Jón Eyþór unnu einvígið að lokum og héldu keppni áfram. Þau dönsuðu Quickstep við lagið I'm so excited með Point Sisters. Þau voru klædd í aerobic föt og minntu á gamla og góða tíma.

Þetta höfðu dómarnir að segja um atriðið þeirra.

„Glæsilegt Jane Fonda Quickstep. Ég hafði gaman af þessu. Dansstaðan er miklu betri en síðast. Þarft samt að halda aðeins betri balance. Glæsilega gert,“ sagði Jóhann sem gaf þeim 8 í einkunn.

„Þetta var mjög hressandi og skemmtilegt og tók mann aftur í tímann. Þið hafði verið heilsteypt í þáttunum en mig langar í meira. Ég vil sjá fleiri moment eins og í lokin. Vel gert,“ sagði Selma sem gaf þeim 7 í einkunn.

„Vel unnið. Vantar aðeins upp á tímasetningar í hoppum. Mjög góð útfærsla hjá ykkur en má alltaf setja aðeins meiri kraft,“ sagði Karen sem gaf þeim 8.