Jóakim prins gekkst undir aðgerð vegna blóðtappa í heila

Jóakim prins hefur verið lagður inn á háskólasjúkrahúsið í frönsku borginni Toulouse þar sem hann hefur gengist undir aðgerð vegna blóðtappa í heila.

DR greinir frá því að Jóakim, yngri bróðir Friðriks krónprins Danmerkur, hafi verið lagður inn á sjúkrahús seint í gærkvöldi og var hann strax sendur undir hnífinn. Gekk aðgerðin eins og í sögu er ástand prinsins nú stöðugt.

Margrét Þórhildur danadrottning hefur óskað eftir því að konungsfjölskyldan fái frið á meðan að á sjúkrahúsvist Jóakims stendur.

Jóakim hafði ásamt fjölskyldu sinni fagnað átján ára afmæli Felix prins, næst elsta barni hans, í Chateu de Cayx. Prinsinn býr í Frakklandi ásamt eiginkonu sinni, Maríu prinsessu og börnum þeirra Hinrik og Aþenu.