Lykilmenn Keflavíkur halda áfram að framlengja

Keflvíkingar halda áfram að skrifa undir við lykilmenn sína í körfuboltanum fyrir næstu leiktíð en nú hefur Deane Williams skrifað undir samning við félagið fyrir næstu leiktíð.

Bretinn Deane skrifaði undir eins árs samning við Keflavík síðasta sumar og vakti hann mikla lukku með liðinu í vetur en Keflavík var í 2. sæti deildarinnar er hún var blásin af. Liðið var til alls líklegt.

Hann gerði tæplega 16 stig að meðaltali í þeim 21 leik í vetur sem hann lék með Keflvíkingum í. Þar að auki tók hann tæplega tíu fráköst að meðaltali og var með framlag upp á 21,4 að meðaltali í leik. Mikilvægur hlekkur þessi 23 ára framherjii.

Williams er annar leikmaðurinn á jafn mörgum dögum sem krotar undir hjá Keflavík en í gær skrifaði Dominykas Milka undir samning við félagið.