Van Gerwen örugglega áfram

Tíunda keppnisdegi á HM í pílukasti lauk í kvöld en keppt er í Alexandra Palace í Lundúnum.

Síðasti leikur kvöldsins var á milli heimsmeistarans Michael Van Gerwen en hann mætti Bretanum Ricky Evans og er óhætt að segja að heimsmeistarinn hafi sýnt mátt sinn því hann vann einvígið 4-0 og náði meðal annars 10 sinnum 180.

Heimsmeistarinn þar með kominn í 16 manna úrslit sem hefjast þann 27.desember næstkomandi en einnig fóru þeir Kim Huybrechts, Steve Beaton og Nathan Aspinall áfram í kvöld.

Á morgun er síðasti keppnisdagur þriðju umferðarinnar og í kjölfarið verður ekkert pílað frá 24.-26.desember þar til 16 manna úrslitin hefjast.