Heimsmeistarinn í pílukasti hefur titilvörnina í beinni í kvöld

Hollendingurinn Michael van Gerwen hefur titil að verja þegar heimsmeistaramótið í pílukasti hefst í Alexandra Palace í London í kvöld.

Michael van Gerwen varð heimsmeistari í þriðja sinn á mótinu í fyrra en vill nú afreka það sem hann hefur aldrei náð áður sem er að verja titilinn.

Van Gerwen var líka heimsmeistari 2014 og 2017 en náði í hvorugt skiptið að verja titilinn.

Michael van Gerwen er mjög sigurstranglegur enda ekki aðeins ríkjandi meistari heldur einnig í efsta sæti heimslistans.

It's here! The @OfficialPDC World Championship starts tonight!

Earlier this month we caught up with reigning world champ @MvG180 and put 10 questions from the fans to him pic.twitter.com/9zSgHmYWCp

— Selco Builders Warehouse (@SelcoBW) December 13, 2019

Van Gerwen keppir strax í kvöld en veit samt ekki hverjum hann mætir. Mótherji Hollendingsins verður annað hvort Jelle Klaasen eða Kevin Burness. Þeir Jelle Klaasen og Kevin Burness mætast í fyrsta leik kvöldsins og sigurvegarinn fær að mæta heimsmeistaranum í lokaleik kvöldsins.

„Ég ætla að gera allt sem í mínu valdi stendur til að vinna titil númer fjögur. Þetta er titilinn sem skiptir mig mestu máli núna. Vonandi hafa allir gaman af,“ skrifaði Michael van Gerwen á Twitter síðu sína.

Heimsmeistaramótið í pílukasti verður í beinni útsendingu á Stöð 2 Sport 2 í kvöld og hefst útsendingin klukkan 19.00.

Leikirnir 13. desember

1. Jelle Klaasen frá Hollandi -    Kevin Burness frá Norður Írlandi                

2. Kim Huybrechts frá Belgíu - Geert Nentjes frá Hollandi                    

3. Luke Humphries frá Englandi - Devon Petersen frá Suður Afríku                

4. Michael van Gerwen frá Hollandi - Klaasen eða Burness

SCHEDULE!

Here it is.... 96 players battling it out over 28 sessions of darts for the right to be the winner of the 2019/20 @WilliamHill World Darts Championship

https://t.co/zgxz3R6Jwmpic.twitter.com/DFFxzzKLim

— PDC Darts (@OfficialPDC) November 27, 2019