Krist­leifur tekur við af Kim hjá Össuri

Kristleifur Kristjánsson hefur verið ráðinn nýr forstöðumaður rannsóknar og þróunar hjá Össuri. Tekur hann við stöðunni af Kim de Roy sem hefur gegnt stöðunni frá árinu 2017.

Þetta kemur fram tilkynningu frá fyrirtækinu. Kristleifur tekur samhliða þessu sæti í framkvæmdastjórn Össurar. Kristleifur er læknir að mennt og hefur starfað hjá Össuri frá árinu 2012.

Í tilkynningunni er haft eftir Jóni Sigurðssyni forstjóra að hann þakki Kim de Roy sérstaklega fyrir sitt framlag til fyrirtækisins fyrir hönd allra starfsmanna, en de Roy hafði starfað hjá Össuri frá árinu 2002.