Allir dómararnir dæmdu bardaga Gunnars og Burns eins

Allir þrír dómararnir dæmdu bardaga Gunnars Nelson og Gilberts Burns í Kaupmannahöfn í gær eins.

Þeir voru sammála um að Gunnar hefði unnið fyrstu lotuna. Að þeirra mati náði Burns að snúa taflinu við í annarri lotunni.

Þriðja lotan var því úrslitalota. Allir dómararnir voru sammála um að Burns hefði unnið hana og þar með bardagann.

Svo virðist sem fellan hjá Burns í þriðju lotu hafi haft úrslitaáhrif. Sjálfur sagðist Burns vitað að hann myndi vinna er hann náði fellunni.

Burns hefur unnið fjóra bardaga í röð á meðan Gunnar hefur tapað þremur af síðustu fjórum bardögum sínum.