Ronaldo um samband sitt við Messi: Ekki vinir en höfum deilt sviðinu í fimmtán ár

Cristiano Ronaldo var í ítarlegu viðtali við Piers Morgan í gærkvöldi sem var birt á ITV en viðtalið var tekið á dögunum.

Meðal efnis í viðtalinu er samband Ronaldo við Lionel Messi en þeir hafa verið að berjast um að vera besti leikmaður heims í rúmlega áratug.

„Margir eru hissa þegar ég tala við hann á viðburðum á vegum UEFA en samband mitt við hann er þannig að við erum ekki vinir en höfum deilt sviðinu í fimmtán ár,“ sagði Ronaldo.

Cristiano Ronaldo interview: 9 things we learned from emotional chat with Piers Morganhttps://t.co/CKm5ZwICNrpic.twitter.com/bnPy9MWAy8

— Mirror Football (@MirrorFootball) September 17, 2019

„Ég er í góðu sambandi við hann og það hefur gert mig að betri leikmanni að hann sé að ýta á mig og hann hefur einnig orðið betri því ég er að ýta á hann.“

Messi og Ronaldo hafa verið stórkostlegir síðasta áratug og rúmlega það en þeir hafa hreppt hver verðlaunin á fætur öðrum.