Myndaveisla: Á fimmta þúsund manns á stórleik KR og Víkings

Aron Guðmundsson skrifar 1. september 2026 23:02

Bæði lið tóku þátt í treyjudeginum. Á Treyjudeginum klæðist fólk uppáhaldstreyjunni sinni til stuðnings börnum með krabbamein og fjölskyldum þeirra. Gylfi Þór Sigurðsson stal senunni með sinni treyju. Everton treyja merkt Wayne Rooney og árituð af manninum sjálfum í þokkabót. Vísir/Hulda Margrét

Á fimmta þúsund manns gerðu sér ferð á Meistaravelli í kvöld til þess að fylgjast með stórleik KR og Víkings Reykjavíkur í Bestu deild karla í fótbolta. Leikurinn hin mesta skemmtun, taugarnar þandar og dramatíkin mikil í leikslok.

Lokatölur urðu 1-1 jafntefli sem sér til þess að Víkingar halda í sitt átta stiga forskot á liðin fyrir neðan sig í öðru og þriðja sæti deildarinnar, KR og Fram, þegar að sex umferðir eru eftir af deildinni.

Hulda Margrét, ljósmyndari Vísis, var á Meistaravöllum í kvöld og fangaði stemninguna með meðfylgjandi myndum. Brakandi blíða var í Vesturbænum.

Hvert sæti var skipað í stúkunni og þétt staðið á pöllunum. Yfir fjögur þúsund manns sem sóttu Meistaravelli.Vísir/Hulda Margrét

Ekki gefin tomma eftir í baráttunni. Enda mikið undir.Vísir/Hulda Margrét

Gylfi Þór og Aron Sig, bestu menn sinna liða, í harðri baráttuVísir/Hulda Margrét

Gylfi Þór er þannig leikmaður að hann getur hugsað nokkra leiki fram í tímann.Vísir/Hulda Margrét

Óskar Hrafn einbeittur á hliðarlínunni.Vísir/Hulda Margrét

Meiðsli Sveins settu ljótan svip á leikinn um stundarsakirVísir/Hulda Margrét

Mark Ármanns fyrir Víkinga var úr efstu hillu og hér má sjá að Halldór Snær í marki KR átti aldrei möguleika á að verja skot hans.Vísir/Hulda Margrét

Stökkkrafturinn getur verið mikill þegar að adrenalínið stimplar sig inn. Vísir/Hulda Margrét

Fögnin í lagi hjá Víkingum. Eftir mark Ármanns virtist allt stefna í sigur hjá þeim í uppbótartímaVísir/Hulda Margrét

Galdur fagnar hér jöfnunarmarki Arnórs Ingva á lokasekúndum leiksins fyrir framan stuðningsmenn KRVísir/Hulda Margrét

KR-ingar gátu fagnað vel eftir mark Anórs Ingva. Vonin lifir í hjörtum KR-inga en átta stiga forskot er ekki auðvelt að vinna uppVísir/Hulda Margrét

Besta deild karla KR Víkingur Reykjavík Íslenski boltinn

Tengdar fréttir

Ummæli Arons ekki svaraverð: „Ekki mikið vit í því sem hann er búinn að vera segja“

Sölvi Geir Ottesen, þjálfari Íslandsmeistara Víkings Reykjavíkur, kaus að svara ekki mati Aron Sigurðarsonar, fyrirliða KR, á hans liði eftir leik Víkings og KR í Bestu deildinni í kvöld. Ummæli Arons væru ekki svaraverð, það væri ekki mikið vit í því sem hann hefur verið að láta út úr sér í aðdraganda leiksins.

1. september 2026 21:06

„Það er hrikalegt að sjá þetta“

„Ég finn virkilega mikið til með honum,“ sagði Sölvi Geir Ottesen, þjálfari Víkings, eftir að enn einn leikmanna hans meiddist í kvöld þegar Sveinn Gísli Þorkelsson handleggsbrotnaði í stórleiknum gegn KR.

1. september 2026 21:32

„Gæti óskað þeim til hamingju með titilinn núna“

„Við sýndum mikinn styrk með því að koma til baka og ná okkur í stigið. Halda okkur fyrir ofan Fram. Við megum ekki gleyma að Fram er þarna líka og akkúrat núna er Fram keppinautur okkar,“ sagði Óskar Hrafn Þorvaldsson, þjálfari KR, eftir 1-1 jafnteflið í toppslagnum við Víkinga í kvöld.

1. september 2026 20:58

KR - Víkingur 1-1| Hjartahnoð Arnórs Ingva á síðustu stundu

KR og ríkjandi Íslandsmeistarar Víkings Reykjavíkur gerðu 1-1 jafntefli í mögnuðum leik þar sem að dramatíkin var allsráðandi undir lokin. Ármann Ingi Finnbogason virtist hafa tryggt Víkingum dýrmætan sigur með marki úr efstu hillu í uppbótartíma en mark frá Arnóri Ingva Traustasyni á lokasekúndu leiksins tryggði KR eitt stig. Enn munar átta stigum á milli liðanna. Nánari umfjöllun um leikinn sem og viðtöl frá Meistaravöllum birtast hér á Vísi seinna í kvöld.

1. september 2026 19:35

Mest lesið

Fleiri fréttir