Till færir sig upp um þyngdarflokk

Dálæti Liverpool-borgar Darren Till hefur loksins ákveðið að færa sig upp um þyngdarflokk og er búinn að samþykkja svakalegan bardaga í millivigtinni.

Till ætlar nefnilega að berjast gegn Kelvin Gastelum í New York í nóvember. Bardagi sem mjög margir eru ánægðir með að sjá.

Till hefur verið í þyngdarflokki Gunnars Nelson, veltivigtinni, en þurft að skera mikið niður þar og mörgum hefur hreinlega fundist fáranlegt að hann hafi verið að berjast í þeim þyngdarflokki.

Nú er hann kominn í sinn rétt flokk, í bili að minnsta kosti, og verður gaman að fylgjast með Englendingnum þar.

Hann var rotaður í annarri lotu af Jorge Masvidal í London í mars og hefur nú tapað tveimur bardögum í röð. Hann hefur því ýmislegt að sanna á UFC 244 í New York.

Official! @DarrenTill2 movies up to middleweight to meet @KelvinGastelum at #UFC244! pic.twitter.com/bXVjfq0qjn

— UFC Europe (@UFCEurope) August 27, 2019