Fyrrverandi ráðherra sækir um hjá Evrópsku kvikmyndaverðlaununum

Ragnheiður Elín Árnadóttir fyrrverandi iðnaðar- og viðskiptaráðherra er á meðal umsækjenda um stöðu verkefnastjóra Evrópsku kvikmyndaverðlaunanna, EFA. Alls sóttu 45 aðilar um starf verkefnastjóra EFA en síðar drógu sjö umsækjendur umsóknir sínar til baka, að því er fram kemur á vef Reykjavíkurborgar.

Evrópsku kvikmyndaverðlaunin verða veitt í Hörpu í desember 2020. Verkefnið er viðamikið samstarfsverkefni ríkis og borgar og er hátíðin haldin í nánu samstarfi og samráði við Evrópsku kvikmyndaakademíuna.

Evrópsku kvikmyndaverðlaunin voru fyrst veitt árið 1988 í Vestur-Berlín en tilgangur þeirra er að fagna, styðja við og vekja athygli á evrópskri kvikmyndagerð.

Verkefnastjóri Evrópsku kvikmyndaverðlaunanna vinnur að undirbúningi hátíðarinnar í samráði við stjórn verkefnisins og Evrópsku kvikmyndaakademíuna. Starfið var auglýst laust til umsóknar þann 26. apríl síðastliðinn.

Umsækjendurnir eru: