Auðunn Blöndal og Rakel eiga von á barni

Sjónvarpsmaðurinn og grínistinn landsþekkti Auðunn Blöndal, eða Auddi Blö eins og hann er einnig þekktur, á von á barni með kærustu sinni, Rakel Þormarsdóttur.

Auðunn opinberaði óléttu Rakelar á Facebook-síðu sinni þar sem hann setti inn sónarmynd með stuttum texta.

„BABYBLÖ! Við Rakel gætum ekki verið spenntari.“

Ljóst er að tíðindin hafa glatt marga en hamingjuóskum á Facebook rignir nú yfir parið úr öllum áttum. Auddi og Rakel hafa verið saman í rúmt ár.

Færslu Auðuns má sjá hér að neðan.