Fyrsti vinningur gekk ekki út

Fyrsti vinningur gekk ekki út í Lottóútdrætti kvöldsins. Var enginn með allar fimm aðaltölurnar réttar.

Tveir miðahafar, báðir í áskrift, nældu sér í annan vinning, það er þeir voru með fjórar aðaltölur réttar, auk bónustölu. Fengu þeir báðir um 170 þúsund krónur.

Enginn var með fimm tölur réttar í Jókernum en þrír miðahafar voru með fjórar tölur réttar í réttri röð. Fá þeir allir 100 þúsund króna vinning, en tveir miðanna voru sendir á lotto.is og einn er í áskrift.

Lottótölur kvöldsins voru 1, 2, 19, 23 og 38 og var bónustalan 25. Jókertölur kvöldsins voru 4-3-7-1-5.