Körfubolti

Svívirðileg árás í körfuboltaleik | Myndband

Henry Birgir Gunnarsson skrifar
Viðbjóður. Hér má sjá árásina. Sá er varð fyrir henni átti eðlilega aldrei von á þessu þungu höggi með olnboganum.
Viðbjóður. Hér má sjá árásina. Sá er varð fyrir henni átti eðlilega aldrei von á þessu þungu höggi með olnboganum.
Það er ekki bjart fram undan hjá körfuboltakappanum Kewan Platt eftir að hann gaf eitt rosalegasta olnbogaskot í sögu íþróttarinnar.

Platt leikur með háskólaliði Fitchburg State Falcons og var að spila gegn Nichols College Bison er hann missti algjörlega stjórn á sér.

Í einhverju pirringskasti kíkir hann á hvort dómarinn sé að horfa áður en hann ræðst á andstæðing með viðbjóðslegu olnbogaskoti. Ekki hægt að kalla þetta neitt annað en líkamsárás.





Leikmaðurinn sem fékk höggið meiddist ekki alvarlega og gat klárað leikinn. Liði Nichols hefur verið hrósað fyrir að halda haus og hleypa leiknum ekki upp í slagsmál eftir þessa árás. Þeir unnu svo leikinn.

Platt hefur verið settur í bann og meinað að koma á skólalóðina á meðan mál hans er tekið fyrir. Fastlega er reiknað með því að hann verði rekinn úr skólanum.

Körfubolti

Mest lesið


Fleiri fréttir

Sjá meira


×

Mest lesið