Stjörnurnar sem snéru heim byrja af krafti

Undirbúningstímabilið byrjar vel fyrir atvinnumennina þrjá sem snéru heim í Olís deildina í sumar. Ásgeir Örn Hallgrimsson, Fannar Þór Friðgeirsson og Arnór Freyr Stefánsson unnu allir til einstaklingsverðlauna á Ragnarsmótinu á Selfossi.

Haukar unnu mótið eftir átta marka sigur á ÍBV í úrslitaleiknum í gær. Ásgeir Örn Hallgrímsson er kominn heim í Hafnarfjörðinn og hann var valinn besti maður mótsins. Hann var markahæstur í mótinu ásamt Birki Benediktssyni.

Ásgeir kom heim í sumar eftir rúman áratug í atvinnumennsku. Hann var síðast hjá franska liðinu Nimes en hefur komið víða við.

Fannar Þór gekk til liðs við Íslands- og bikarmeistaralið ÍBV í sumar frá Hamm-Westfalen. Hann var valinn varnarmaður Ragnarsmótsins. Arnór Freyr var valinn markmaður mótsins. Hann kom til liðs við Aftureldingu frá Randers í Danmörku. Afturelding endaði í þriðja sæti mótsins.

@haukar_handbolti unnu Ragnarsmótið 2018 eftir sigur á ÍBV. Við óskum þeim að sjálfsögðu til hamingju með það. Ásgeir Örn Hallgrímsson (Haukar) var valinn besti leikmaður mótsins og var einnig markahæstur ásamt Birki Benediktssyni Hergeir Grímsson var valinn sóknarmaður mótsins og Fannar Þór Friðgeirsson (ÍBV) varnarmaður mótsins. Andri Freyr Stefánsson (Afturelding) var markmaður mótsins. Stelpurnar hefja síðan leik á fimmtudag. #handbolti #selfosshandbolti #mjaltavélin #olisdeildin

A post shared by Selfoss Handbolti (@selfosshandbolti) on Aug 12, 2018 at 5:01am PDT