Haukur var markahæsti leik­maður síns liðs í naumu tapi

Burgdorf byrjaði leikinn betur og sótti í sig veðrið strax í byrjun en Haukur Þrastarsson var ekki lengi að svara og var leikurinn mjög jafn framan af. Rhein-Neckar Löwen var með eins marks forystu í hálfleik.

Seinni hálfleikurinn hélt áfram að vera jafn en undir lok leiks fór Leif Tissier, leikmaður Burgdorf, í annan gír og skoraði fimm mörk á fimm mínútna kafla. Það gerði það að verkum að Burgdorf var allt í einu komið í forystuna þegar aðeins tvær mínútur voru eftir.

Rhein-Neckar Löwen náði ekki forystunni til baka og endaði leikurinn á 32-31 dramatískum sigri Burgdorf á stórliði Rhein-Neckar Löwen. August Baskar Pedersen var markahæsti leikmaður leiksins með tíu mörk en Haukur Þrastarson var markahæsti leikmaður Rhein-Neckar Löwen með sjö mörk.

Svekkjandi byrjun fyrir Hauk Þrastarson og félaga sem ætla sér enn stóra hluti í þýsku úrvalsdeildinni.