Fyrrum NFL-leikmenn mætast í MMA-bardaga

Fyrrum varnarmaður Dallas Cowboys, Greg Hardy, mun berjast gegn Austen Lane, fyrrum leikmanni Lions og Bears, í MMA-bardaga í þætti Dana White, forseta UFC.

Hardy er einn umdeildasti leikmaður seinni tíma í NFL-deildinni en hann var dæmdur í tíu leikja bann árið 2014 fyrir að ganga í skrokk á kærustunni sinni.

Hann hefur þegar barist tvisvar í MMA en það voru ójafnir og sérstakir bardagar. Hardy vann snemma en andstæðingarnir gátu ekkert.

Þeir Hardy og Lane munu mætast í þætti Dana White, Tuesday Night Contender Series, og bardaginn ætti því að fá gott áhorf.

Lane hefur barist fjórum sinnum sem atvinnumaður og unnið þá alla. Bardagi hans gegn Hardy fer fram þann 12. júní.