Jóhannes Haukur GOT-ar yfir sig í Steypustöðinni

Lokaþátturinn af Steypustöðinni var á dagskrá Stöðvar 2 á föstudagskvöldið. Þar vakti einn skets töluverða athygli en stórleikarinn Jóhannes Haukur Jóhannesson kom þar við sögu.

Atriðið gengur í raun út á það að Jóhannes á að vera leika með Auðunni Blöndal og Steinda Jr. en getur ekki hætt að fara með fleygar setningar úr þáttunum Game of Thrones.

Eins og margir vita lék Jóhannes nokkuð veigamikið hlutverk í síðustu seríu af GOT.

Setningar úr Game Of Thrones eiga greinilega illa heima á Snælands Video eins og sjá má hér að neðan.