Pawel fer fram í borginni

Pawel Bartoszek, stærðfræðingur og fyrrverandi alþingismaður, sækist eftir sæti á lista Viðreisnar í Reykjavíkur borg fyrir komandi sveitarstjórnarkosningar.

Þetta kemur fram í stuttri yfirlýsingu sem Pawel sendi frá sér nú rétt í þessu á Facebooksíðu sinni. Hann segist hafa látið uppstillingarnefnd Viðreisnar vita af því að hann sækist eftir sæti ofarlega á lista fyrir komandi borgarstjórnarkosningar.

„Reykjavík er frábær borg. Hún dregur til sín hæfileikaríkt fólk frá öllu landinu og öllum heimshornum. Hún er oftar en ekki aðdráttaraflið dregur þá Íslendinga sem flutt hafa til útlanda aftur heim. Reykjavík er frábær borg og mig langar að hjálpa til við að gera hana enn betri,“ segir Pawel, kár í bátana.

Þetta gefur vísbendingu um að nú er unnið að því hörðum höndum að koma saman listum fyrir komandi sveitarstjórnarkosningar. Í kvöld mun fulltrúaráð Sjálfstæðisflokksins taka afstöðu til tillögu uppstillinganefndar um þann lista sem hún vill að Sjálfstæðisflokkurinn tefli fram.