Seinni bylgjan á dagskrá annað kvöld | ÍBV-FH sýndur í kvöld

Seinni bylgjan verður á dagskrá Stöðvar 2 Sports annað kvöld klukkan 21.00, en ekki í kvöld eins og fyrirhugað var.

Fresta þurfti leik ÍBV og FH vegna veðurs í gær en hann fer fram klukkan 19.30 í kvöld. Hann verður sýndur í beinni útsendingu á Stöð 2 Sport 3.

Það verða því alls þrír handboltaleikir sýndir í beinni útsendingu í kvöld. Stjarnan og Haukar mætast í Olísdeild kvenna klukkan 18.00 og klukkan 20.00 fer fram viðureign Stjörnunnar og ÍR í Olísdeild karla. Báðir leikir verða í beinni útsendingu á Stöð 2 Sport.

Þá fer einnig fram leikur Selfoss og Gróttu klukkan 20.00 í kvöld. Fylgst verður með honum í beinni textalýsingu á Vísi, rétt eins og öðrum ofantöldum leikjum.