Gunnar fellur niður um eitt sæti

Gunnar Nelson fellur niður um eitt sæti á styrkleikalista UFC í veltivigtinni.

Gunnar var í 11. sæti en er kominn niður í það tólfta. Hann hefur sætaskipti við Kamaru Usman.

Staða annarra á styrkleikalistanum í veltivigtinni er óbreytt. Robbie Lawler er í 1. sæti, Stephen Thompson í öðru og Demain Maia í því þriðja.

Gunnar keppti síðast gegn Argentínumanninum Santiago Ponzinibbio í Glasgow um miðjan júlí. Gunnar þurfti að sætta sig við sitt tap sem var afar umdeilt enda potaði Ponzinibbio puttunum nokkrum sinnum í augun á Gunnari.