Mayweather kastaði seðlum í McGregor | Sjáðu þriðja blaðamannafundinn

Það var margt um manninn í Barclays Center í Brooklyn þegar þriðji blaðamannafundurinn fyrir boxbardaga Floyds Mayweather og Conors McGregor fór fram.

Þetta var næstsíðasti blaðamannafundurinn fyrir þennan risabardaga. Sá fjórði og síðasti fer fram á Wembley í London á morgun.

Það var ekki sama flugeldasýning í Brooklyn og á fyrstu tveimur blaðamannafundunum í Los Angeles og Toronto.

Conor mætti ber að ofan í pels á meðan Mayweather rölti inn á sviðið með írska fánann.

Mayweather var að venju með bakpokann sinn. Að þessu sinni var hann fullur af seðlum sem hann kastaði í Conor sem lét sér fátt um finnast.

Blaðamaannafundinn má sjá í heild sinni hér að neðan.