Kaci Kullmann Five er látin

Formaður norsku Nóbelsnefndarinnar, Kaci Kullmann Five, er látin. Hún varð 65 ára að aldri. Frá þessu segir í yfirlýsingu frá norsku Nóbelsnefndinni.

Kullmann Five hafði greinst með brjóstakrabbamein og greint opinberlega frá baráttu sinni við sjúkdóminn. Meinið tók sig upp að nýju á síðasta ári og varð hún meðal annars að aðboða sig á afhendingu Friðarverðlauna Nóbels í desember síðastliðinn.

Kullmann Five tók við stöðu formanns Nóbelsnefndarinnar árið 2015 af Thorbjørn Jagland.

Hún sat á þingi fyrir norska Hægriflokkinn á árunum 1981 til 1997, var viðskiptaráðherra 1989 til 1990 og formaður Hægriflokksins á árunum 1991 til 1994.

Kullman Five lætur eftir sig eiginmann og tvö uppkomin börn.

Að neðan má sjá minningarorð Ernu Solberg, forsætisráðherra Noregs, um Kullman Five.