Usain Bolt: Þarna hafið þið það, ég er sá besti

Usain Bolt var sigurreifur eftir að hann vann sínu þriðju gullverðlaun á Ólympíuleikunum í Ríó í nótt. Hann vann þá 4 x 100 metra hlaup með jamaísku sveitinni.

„Þarna hafið þið það, ég er sá besti," var það fyrsta sem kom upp úr Usain Bolt eftir að hann hafði unnið þriðja gullið á þriðju Ólympíuleikunum í röð.

„Mér er létt. Ég er ánægður og stoltur af sjálfum mér. Draumurinn rættist. Pressan var raunverulega og þetta er afrek í mínum augum," sagði Bolt.

„Ég ætla að vaka lengi í nótt og skemmta mér. Mér datt aldrei í hug að ég næði þessu þegar ég byrjaði," sagði Bolt.

„Liðsfélagarnir stóðu sig fyrir mig í kvöld. Svo framarlega sem við næðum skiptingunum réttum þá var þetta aldrei í hættu," sagði Bolt en hvernig fór hann að því að vinna níu gull á þremur leikum?

„Ég helgaði mig að íþróttinni minni. Ég vildi þetta meira en aðrir og ég var aldrei sáttur," sagði Bolt.