Geggjaður upphitunarþáttur fyrir bardaga Conor og Diaz

Heimurinn er að bíða eftir bardaga númer tvö hjá Conor McGregor og Nate Diaz og UFC kann að stytta biðina.

Ráðist var í gerð heimildarmyndar um ríginn á milli þeirra tveggja. Er óhætt að segja að vel hafi tekist til enda Bandaríkjamenn snillingar í framleiðslu slíkra mynda.

Myndin heitir „Bad Blood“ og eru ítarleg viðtöl við kappana í myndinni og kíkt á bak við tjöldin. Er meðal annars staldrað við á Íslandi þar sem Conor dvaldi er hann eftirminnilega hætti í UFC í tvo daga.

Bardagi þeirra fer fram um næstu helgi og verður í beinni útsendingu á Stöð 2 Sport.

Hér að ofan má svo horfa á Bad Blood.