Aldo: Conor er enginn íþróttamaður

Brasilíumaðurinn Jose Aldo nýtir hvert tækifæri til þess að sparka í Conor McGregor.

Eins og heiminum ætti að vera kunnugt um þá mun Conor McGregor ekki berjast á UFC 200 þar sem hann neitaði að taka þátt í kynningarstarfi.

Aldo mun aftur á móti berjast þetta kvöld gegn Frankie Edgar. Sigurvegarinn fær svo að mæta Conor í titilbardaga í fjaðurvigtinni.

Aldo fannst það ekki merkileg framkoma hjá McGregor að mæta ekki til Las Vegas og taka þátt í kynningarstarfinu.

„Það sannar bara hversu veikur hann er. Ég sé hann ekki sem íþróttamann og ber enga virðingu fyrir honum. Mitt álit er að hann sé miklu veikari en hann heldur fram,“ sagði Aldo.

Stór orð frá manni sem McGregor rotaði á stuttum 13 sekúndum.