Viðskipti innlent

Íslendingar í lykilstöðum við stækkun hafnarinnar í Nuuk

Kristján Már Unnarsson skrifar
Grafísk mynd af nýju gámahöfninni í Nuuk.
Grafísk mynd af nýju gámahöfninni í Nuuk. Grafík/Sikuki Nuuk Harbour A/S.
Vonast er til að stækkun hafnarinnar í Nuuk, höfuðstað Grænlands, verði lyftistöng fyrir atvinnulíf Grænlendinga. Með hafnargerðinni er verið að tvöfalda bryggjupláss og búa til nýja gámahöfn, sem á að verða tilbúin í lok árs. Nýja höfnin verður á tveimur eyjum sem tengdar verða landi með uppfyllingu. 

„Auðvitað mun ný höfn leiða af sér alls konar framkvæmdir og aukna bjartsýni,“ segir hafnarstjórinn, Páll Hermannsson, í viðtali í fréttum Stöðvar 2. 

Þetta er tólf milljarða króna verkefni og drjúgur hluti er í höndum Íslendinga, eða tæp 30 prósent. Per Aarsleff og Ístak hf. eru með verkið í aðalverktöku og sér verkfræðistofan Efla um hönnun bygginga, Ramböll um hönnun hafnarmannvirkja og verkfræðistofan Mannvit leigir út starfsmann til verkeftirlits fyrir verkkaupa. Ístaksmenn eru í meirihluta verkstjórnenda.

Páll Hermannsson, hafnarstjóri í Nuuk.Stöð 2/Friðrik Þór Halldórsson.
„Íslendingar hafa mikla þekkingu í svona verkefnum, í Grænlandi, Færeyjum, Noregi, - svo það er ekkert verið að velja út frá flagginu heldur bara þekkingunni.“ 

Páll segir að Nuuk sé miðhöfn Grænlands. Þangað sigla gámaskip til og frá Danmörku og Íslandi með vörur, sem fara svo þaðan fara áfram til annarra grænlenskra byggða. Grænlendingar sjá fram á að höfnin skapi ný tækifæri, meðal annars í móttöku skemmtiferðaskipa. 

„Það er margt sem er að gerast í Grænlandi í dag. Vonandi erum við að fá stærri flugvöll í Nuuk. Höfnin verður lyftistöng og það er hugur í fólki. Í Nuuk segir bæjarstjórinn að þeir ætli að byggja sjöþúsund nýjar íbúðir á næstu fimmtán árum, sem þýðir tvöföldun íbúanna. Þannig að það er hugur í fólki,“ segir Páll Hermannsson hafnarstjóri. Hafnarfélagið heitir Sikuki Nuuk, en sikuki þýðir íslaus höfn.

Gamla höfnin í Nuuk sést neðar en nýja höfnin ofar á þessari samsettu mynd.Grafík/Sikuki Nuuk Harbour A/S.

Tengdar fréttir

Vilja tappa af ferðamannastrauminum til Íslands

Næstu nágrannar Íslands á norðurhveli, Grænlendingar, sjá mikil tækifæri í frekari opnun norðurslóða. Utanríkis- og iðnaðarráðherra Grænlands hélt erindi á Arctic Circle ráðstefnunni í dag um framtíð Grænlands.

Verkþekking Íslendinga byggir upp innviði Grænlands

Virkjunarframkvæmdir Ístaks, sem nú standa yfir við Diskóflóa á Grænlandi, skila 6-8 milljarða króna tekjum til íslenskra fyrirtækja. Íslensk verkþekking byggir um leið upp innviði Grænlands og segir orkumálastjóri landsins smíði vatnsaflsstöðva hafa gríðarlega þýðingu. Þetta kom fram í þættinum Ísland í dag á Stöð 2 í kvöld, þeim síðari um störf Íslendinga á Grænlandi, en sá fyrri var í gærkvöldi. Virkjunin við Ilulissat telst kannski ekki stór á íslenskan mælikvarða, hún verður 22,5 megavött eða um fjórðungur af stærð Búðarhálsvirkjunar, sem nú er í smíðum.

Danskt fyrirtæki kaupir Ístak Ísland

Danska verktakafyrirtækið Per Aarsleff AS hefur keypt Ístak Ísland af Ístaki hf, dótturfélagi Landsbankans. Kaupverðið er trúnaðarmál.

Grænlendingar rífa blokkirnar

Grænlendingar eru byrjaðir að rífa niður stóru íbúðablokkirnar sem dönsk stjórnvöld létu reisa fyrir hálfri öld í því að skyni að umbylta grænlenska veiðimannasamfélaginu.

Íslendingar í klakahöll undir Grænlandsjökli

Virkjun sem Ístak er að smíða á Grænlandi við Diskóflóa lengst norðan heimskautsbaugs er stærsta verkefni í fjörutíu ára sögu fyrirtækisins. Þar er sennilega sú Íslendinganýlenda sem fjærst er öðrum byggðum bólum í sannkallaðri klakahöll við bæinn Ilulissat. Fyrri reynsla Ístaksmanna af smíði virkjana á Grænlandi réð miklu þegar Orkustofnun Grænlands fól þeim einnig þetta tólf milljarða króna verk, þótt þeir ættu ekki lægsta boð.

Virkjunin gæti breyst í ísklump

Virkjanagöng, sem Ístaksmenn bora á Grænlandi langt norðan heimskautsbaugs, liggja í svo köldu bergi að það virkar eins og frystikista. Það er því raunveruleg hætta á því að virkjunin geti frosið og orðið að ísklumpi. Þetta kemur fram í þættinum Ísland í dag á Stöð 2 laust fyrir klukkan sjö í kvöld en þar verður fjallað um þær miklu áskoranir sem mæta íslenskum verktökum og verkfræðistofum við hönnun og smíði virkjunar skammt frá bænum Ilulissat við Diskóflóa.



Mest lesið


Fleiri fréttir

Sjá meira


×

Mest lesið